Ish-deputeti i Partisë Demokratike, Lefter Maliqi është dorëhequr nga lista e kandidatëve për deputet në zgjedhjet e 25 qershorit dhe ka pohuar se do të mbështesë elektoratin e tij qoftë edhe me Edi Ramën.
Sipas Maliqit oferta e Lulzim Bashës ka ofenduar prezencën e tij në vendin e tretë dhe e ka quajtur të pa pranueshëm këtë vendim.
I kontaktuar nga Tirana Today, Maliqi u shpreh se Basha i ka ofruar atij këtë vend me arsyetimin se me marrjen e pushtetit, Maliqi do të bëhej deputet ndërsa Eduard Halimi do të bëhet ministër.
”Gjatë takimit ditën e shtunë me Bashën, ai më tha se do jesh në listat e PD-së i treti dhe sa të fitojmë Halimin do e bëj Ministër ndërsa ti do kalosh automatikisht i dyti në listë” tha Ai.
Nga ana tjetër, ish-deputeti u shpreh se gjatë debatit me kreun e PD-së ai e ka pyetur atë lidhur me bashkëpunimin PD-PS pas zgjedhjeve dhe ky i fundit ka heshtur.
Kujtojmë se Maliqi është kandidati i dytë pas Sazan Gurit që dorëhiqet në qarkun e Beratit.
Statusi në facebook
Të dashur miq! Sot pasi kalova paraditen në bregdetin e Durrësit pasi u qetësova, u kthjellova dhe u frymëzova po nisem pranë votuesve të mi të qarkut Berat për tu bashkuar për sfidën e përbashkët të fitores së thellë. E cila fillon nga Qarku Berat ku unë me ju kemi lidhur besën për shkak të premtimeve të mbajtura dhe lidhjes së ngushtë së bashku.
Origjinës time nga Kucova,vendlindjes Lapardha Berat, sukseseve si ish-shef i komisariatit të policisë në Skrapar, Kuçovë e Berat, pra njohjeve në gjithë qarkun, si ish kryetar i komunës më të madhe Otllak-Berat, plot suksese premtime, investime ,zgjidhje hallesh e problemesh, mbështetje familjeve në nevojë jo vetëm në zonë por gjithë qarkun, si ish deputet si zë i fortë i juaji, ku së bashku me z.Berisha inaguruam dhjetra investime, të cilit i jam tepër mirënjohës. Meqenëse në 2009 isha i 3 dhe dola deputet i PD me votat e majta të kthyera djathtas të cilat siguruan mandatin e 70 dhe vazhdimin e qeverisë Berisha.
Në 2013 përsëri u rendita i 3 dhe Lapardha-Lumas votuan mbi 50 përqind për Pd duke e nxjerr fitues mandatin e 2 të Ufos mosmirënjohës pa vlera pa vota as në fshatin e tij Terpan ,bashkë me ju sakrifikuan në mbështetje të njëri tjetrit si dje në pushtet dhe sot në 4 vite opozitë, ku në 8 Mars 2016 pritet në Lapardha kryetarin Basha madhështore mbi 4000 veta i cili ju dha shumë premtime dhe u mahnit nga pritja juaj legjendare duke më cilësuar para jush si mikun e tij më të shtrenjtë???
Meqenëse z.Basha i influencuar nga ufo dhe kuqo të Pd që u beson pazareve të pista të tyre, duke më hequr emrin nga dy gara për kryetar PD dega Berat dhe për drejtor i departamentit të rendit, po kështu më zhgënjeu për kandidimin për kryetar bashkie Berat pasi sot do isha kryetar i sigurt për shkak të mbështetjes së gjerë nga ana juaj. Në 2015 fill pas zgjedhjeve lokale pas humbjes fatale të PD u takova me z.Basha për ti dhënë dorën dhe për tu larguar nga ai, por ai reagoi me premtimin se të vazhdoja të punoja fort këto dy vite pranë jush dhe mos të flisja me asnjë pasi do isha i pari i listës dhe do ti siguroja 3 Mandate.
Por çuditërisht mashtrohem, zhgënjehem dhe renditem i 3. Takohem me z.Basha të shtunën dhe i them më zhgënjeve mua dhe gjithë elektoratin tim dhe i thashë zgjidh o mbaj premtimin të fitosh mandatin e 2 ose zgjidh pazarin e Ufos apo kuqos dhe ke dështim të thellë në Berat duke i thënë ju pres deri të mërkurën pra sot. Ofertat e Bashës ishin qesharake të majme dhe mosbesuese të papranuara nga mua në takim me të dhe me të tjerë të futur nga ai.
Në këto kushte pas presionit dhe telefonatave të votuesve të mi që ishin të zhgënjyer nga Basha kërkuan me vendosmëri që mos të punoja më për ufo e kuqo por të bëhesha bashkë me ta. Ata vendosën të ktheheshin ku kishin qenë para 2009 tek Partia Socialiste, dhe përgjigja ime është do jem si gjithmonë me ju. Jam tepër i qetë në vendimin që mora pasi po vë interesat e votuesve të mi Lapardha-Lumas, Kuçovë e Berat para mashtrimit, shkatërrimit, zhgënjimit nga PD e përfaqësuar nga Ufo e Kuqo. Të dashur demokrat të ndershëm bashkohuni edhe ju me mua kundra ufos e kuqos! Sot është e qartë që PD po ha vetveten dhe ska çfarë i ofron Shqipërisë. Unë jam politikan që kam zgjedhur njerëzit e mi mbi çdo parti dhe partitë i kam parë vetëm si mundësi për tu shërbyer atyre. Kam njohur dhe kam punuar me Sali Berishën dhe Ilir Metën. I kam miq dhe besoj se nuk u kam asnjë borxh. Kam njohur dhe punuar edhe me Lulzim Bashën.
Nuk e kam mik dhe nuk më ka borxh mua por u ka borxh njerëzve të mi sepse i donte për mitingje dhe për të mbushur çadrën e Republikës së re, por jo për ti shërbyer atyre siç i shërbyen ata atij. Nuk e njoh dhe nuk kam punuar me Edi Ramën. Por skam nevojë ta njoh pasi kam bindje që do jetë mirënjohës ndaj votës dhe mbështetjes së fitores së thellë që do nis nga qarku Berat.
Sot unë shpall bashkimin e njerëzve të mi,socialistë dhe demokratë me Edi Ramën.
Edi Rama nuk më ka asnjë borxh dhe do ti kërkoj vetëm të mos hyjë në borxh me njerëzit e mi siç hyri Lulzim Basha. Nëse do të bëjë për ta, hallall ka gjithçka që do bëj unë për të dhe PS në këtë betejë. Nëse Rama sdo të bëjë për ta, unë përsëri do të zgjedh njerëzit e mi dhe jo atë. Suksese Edi Ramës dhe PS në Berat dhe gjithë Shqipërinë. Me mirënjohje i juaji Lefter Maliqi!
