Deputeti demokrat, Lefter Maliqi ka deklaruar se zgjedhjet vendore te 30 qershorit nuk mund të zhvillohen.
Gjatë fjalës së mbajtur ditën e sotme në Kuvend, Maliqi tha se kandidatët për kryetarë Bashkie të PS-së janë zgjedhur nga oligarkët, e jo nga forcat socialiste. Ndër të tjera, ai solli dhe rastin e një kandidati të PS për kryebashkiak, për të cilin tregoi se ka tentuar të vrasë veten.
“Vendi nuk shkon dot në zgjedhje me 36 deputetë minus. Nejse, une dua t’u uroj suksese kandidatë të PS-së për kryetar bashkie, pasi dihet që do fitojnë. Do fitojnë sepse janë zgjedhur nga oligarkët jo nga forcat socialiste. Njëri prej tyre desh vrau veten. Desh u mbyt, ishte socialist i vjetër ai, ishte burrë, jo si këta të tjerë. Kështu që këtu nuk mund të ketë zgjedhje të çertifikuara. Populli dhe socialistët e ndershëm e dinë që nuk ka konkurencë dhe zgjedhje të ndershme. Këtu ka matje force.
“Ne kemi vetëm një vendim, duhet që sistemin zgjedhor ta ndryshojmë sepse po të duan e ndryshojnë brenda ditës këta. Por nuk na dëgjojnë. Këtu me ne bëjnë parodi”, deklaroi Maliqi.
