Kryeministri Dushko Markoviq bën me dije se Mali i Zi do të rihapë kufijtë e tij me vendet që plotësojnë kriteret e Institutit të Shëndetit Publik, në ditët e para të qershorit.
Në një konferencë për mediat, Markoviq deklaroi se kriter i ISHP-së për hapjen e kufijve janë të paktën 25 pacientë në raport me 100 mijë banorë.
“Vendet e para me të cilat do të hapen kufijtë janë Kroacia, Sllovenia, Austria, Gjermania, Polonia, Republika Çeke, Hungaria, Shqipëria, Greqia, dhe mundësisht edhe disa vende tjera rajonale.
Ne do të hapim kufijtë për vendet që kanë një status të ngjashëm epidemiologjike. Ne nuk do të kërkojmë asnjë provë speciale. Të gjithë do të marrin udhëzime të qarta se çfarë i presin ata në vend, dhe cilat rregullore duhet të respektojnë. Dhe besoj se kjo është e mjaftueshme në këtë moment për të parandaluar importin e virusit në Mal të Zi”, tha ai.
Deri më tani, Mali i Zi ka regjistruar vetëm 324 raste me koronavirus, ndërsa vetëm 9 persona kanë humbur jetën si pasojë e tij.
Kujtojmë se vendi fqinj është vendi i parë në Evropë pa raste aktive të koronavirusit.
