Mali i Zi ka vendosur rregulla të forta sa i takon hyrjes në kufi të shtetasve të huaj.
Qeveria ka vendosur që të gjithë shtetasit që do të futen në Mal të Zi, duhet të kenë me vete testin që kanë rezultuar negativ për koronavirus. Ky vendim i qeverisë pritet të hyjë në fuqi në mesnatën e datës 21 qershor.
“Mali i Zi prezanton metodologjinë e re për rihapjen e mëtejme të kufijve dhe vazhdon të mbajë në fuqi politikat e saj për të siguruar mbrojtje të shkallës së lartë nga COVID-19, si për qytetarët, po ashtu edhe për turistët. Këto masa hyjnë në fuqi të dielën në mesnatë, më 21 qershor”, thuhet në një postim në Twitter të Qeverisë së Malit të Zi.
Përmes një harte, qeveria e Malit të Zi harte ka ndarë në tri grupe kufizimet e reja:
- qytetarët që mund të hyjnë pa asnjë kufizim,
- qytetarët që duhet të posedojnë test negativ për koronavirus,
- shtetet qytetarët e së cilave e kanë të ndaluar të hyjnë në Mal të Zi.
Sipas kësaj harte, qytetarët nga Shqipëria, Kosova dhe ata të Bosnjë e Hercegovinës iu lejohet hyrja me testin, ndërsa shtetasit e Serbisë dhe të Maqedonisë së Veriut e kanë të ndaluar hyrjen në Mal të Zi.
