Drejtuesit e Milanit, përpara mbylljes së merkatos, duan t’i dhurojnë trajnerit Marko Xhampaolo një përforcim të fundit cilësor. Dhe kanë pikasur prej kohësh lojtarin që mund t’i nevojitet ish-trajnerit të Sampdorias.
STRATEGJIA E “DJALLIT”:
Milani i ka ofruar klubit spanjoll 40 milionë euro plus bonuse, shifër e konsideruar jo e mjaftueshme nga spanjollët që kërkojnë 55 milionë në total për ta lënë të lirë argjentinasin. Nuk ka shërbyer për asgjë “misioni” i menaxherit të lojtarit, Augustin Himenez, për të kërkuar të ulë pretendimet e “colchoneros”, të cilët me paratë që do të arkëtonin nga 24-vjeçari do të synonin Rodrigon e Valencias.
UDHËTIM NË MADRID
Gjatë kësaj jave, sipas raportimit të mediave italiane, këta të fundit do të bëjnë një tjetër përpjekje për të bindur krerët e klubit të La Ligës.
Parashikohet një tjetër udhëtim drejt Madridit. Ish-futbollisti kroat, sot në organikën e Milanit, do të takohet me homologët iberikë për të gjetur një marrëveshje.
Tifozët kuqezinj janë në pritje, të bindur, po ashtu si Xhampaolo, se një futbollist si 24-vjeçari do të rriste ndjeshëm nivelin e skuadrës.
Korrea ndiqet nga “Djalli” prej më shumë se një muaji, vetë lojtari kërkon transferimin në Itali dhe ka vendosur të presë deri në ditët e fundit të merkatos. Madje, ka refuzuar edhe interesimin e Monakos. Ditët e ardhshme parashikohen të jenë vendimtare.
