Ish-ministri i Financave në qeveritë socialiste, Arben Malaj, ka shpërthyer në akuza ndaj PS, pasi u shkarkua nga Këshilli Mbikëqyrës i Bankës së Shqipërisë. Malaj ndalet te dekriminalizimi i politikës, ndërsa akuzon qeverinë se kriminalizoi Kuvendin dhe Bashkitë për pushtet absolut.
Ai shkruan në Facebook se një grusht “Rilindës” të paditur, të pa ngopur dhe arrogantë, e përdoren me vetë-dije kriminalizimin e Kuvendit dhe të shumë Bashkive për pushtet personal absolut.
Statusi
Një institucion shtete-formuese, që fatkeqësisht njollën më të zezë në historinë e tij të tranzicionit ka vet-kriminalizimin. Një grusht “Rilindës” të paditur, të pa ngopur dhe arrogantë, e përdoren me vetë-dije kriminalizimin e Kuvendit dhe të shumë Bashkive për pushtet personal absolut, duke rrënuar kredibilitetin institucional dhe publik të politikës në tërësi dhe të Kuvendit në veçanti për pushtet dhe pasurim kriminal në kurriz të shqiptarëve.
