Duke iu referuar projekt-buxhetit të vitit 2020, anëtari i Këshillit Mbikëqyrës të Bankës së Shqipërisë, Arben Malaj i bën thirrje qeverisë që të ulë pengesat ekonomike dhe kostot abuzive. Me qëllim për të rritur burimet potenciale ekonomike.
Përmes një postimi në “Facebook”, Malaj nënvizoi se ekonomia duhet të ketë më shumë burime zhvillimi, sepse rritja me ritme më të larta e ekonomisë, rrit të ardhurat.
Sipas tij, kjo rritje duhet të ndahet: “1-mbështetje buxhetore për reformat e parashikuara dhe sektorët prioritarë 2-ulje e deficitit dhe borxhit në mënyrë graduale dhe 3-rritja e të ardhurave reale të disponueshme dhe kohezion social”.
