Koronavirusi është shndërruar në një ankth dhe kërcënim serioz për mbarë njerëzimin.
Papa Françesku ka reaguar së fundmi në lidhje me situatën e pazakontë të shkaktuar nga COVID-19, teksa e ka cilësuar ditën e sotme si “e diela e lotëve”.
Ati i Shenjtë theksoi disa nga vuajtjet që po kalojnë njerëzit aktualisht, duke filluar nga personat e shtruar në spital, deri tek pamundësia për t’u ushqyer.
“Unë mendoj për kaq shumë njerëz që qajnë, të izoluar, në karantinë, të moshuar vetëm, të shtruar në spital, njerëz në terapi intensive, prindër që shohin se nuk ka rrogë dhe nuk kanë mundësi që t’i japin fëmijëve për të ngrënë”, tha Papa në meshën që po transmetohej në Santa Marta, duke prekur kështu shumë njerëz.
Kujtojmë se dy ditë më parë Papa Françesku mbajti një lutje speciale në sheshin e zbrazët të Shën Pjetrit duke i kërkuar Zotit përfundimin e pandemisë së koronavirusit.
