Një aksident i rëndë me pasojë vdekjen ka ndodhur mesditën e sotme në Fushë Krujë. Një 35-vjeçare, drejtuese e një mjeti, është përplasur me një shtyllë duke humbur jetën në vend.
Ngjarja ka ndodhur në fshatin Larushk, ndërsa viktima është shtetasja E.A. Trupi i pajetë i viktimës është transportuar në morg.
Informacion paraprak
Më datë 22.02.2019, rreth orës 12:15, në Larushk, drejtuesja e mjeti me targë AA314CC, shtetasja E.A., 35 vjeçe, ka humbur kontrollin e mjetit dhe është përplasur më një shtyllë, ku për pasojë ka gjetur vdekjen.
Në vendngjarje ndodhet grupi Hetimor dhe po punon për përcaktimin e shkakut të aksidentit.
