Një 17-vjeçare është plagosur si pasojë e një aksidenti shënuar mëngjesin e sotëm në aksin rrugor Lezhë-Milot.
Sipas njoftimit të policisë, drejtuesi i automjetit me iniciale F.D. ka përplasur 17-vjeçaren me iniciale Xh.D. E cila ka marrë dëmtime dhe është transportuar në spitalin Rajonal të Lezhës.
Ndërkohë, policia ndodhet në vendngjarje dhe po punon për zbardhjen e plotë të aksidentit.
Njoftimi i Policisë:
Rreth orës 07:45 , në autostradën Lezhë-Milot, tek “Kryqëzimi i Rriles”, automjeti me drejtues shtetasin F.D., ka përplasur shtetasen Xh.D.,17 vjeçe, ku për pasojë ka marrë demtime dhe është transportuar në spitalin Rajonal të Lezhës.
Drejtuesi i automjetit shtetasi F.D. është shoqëruar në Komisariat për veprime të mëtejshme hetimore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes
