Pasditen e sotme ka ndodhur një aksident i rëndë në aksin rrugor Klos-Dars në Mat, ku për pasojë ka humbur jetën një person. Burimet policore raportojnë se shtetasi B.K, duke drejtuar automjetin e tij, ka humbur kontrollin duke dalë nga rruga, e për pasojë ka ndërruar jetë 33-vjeçari me inicialet Q.V, pasagjer.
Drejtuesi i mjetit është shoqëruar në komisariatin e Matit, ndërsa policia po punon për zbardhjen e ngjarjes.
Njoftimi i policisë: “Mat/ Informacion paraprak. Në aksin rrugor rural Klos-Dars, shtetasi B.K, duke drejtuar automjetin e tij, ka humbur kontrollin duke dalë nga rruga, e për pasojë ka humbur jetën shtetasi Q.V, rreth 33 vjeç, banues në fshatin Xibër, (pasagjer). Drejtuesi i automjetit është shoqëruar në ambientet e Komisariatit të Policisë Mat, për veprime të mëtejshme, ndërsa grupi hetimor po kryen hetimet për zbardhjen e shkaqeve të aksidentit”.
