Ministri i Shtetit për Diasporën, Pandeli Majko ka reaguar në rrjetet sociale pas replikave mes ministrit serb të Mbrojtjes dhe kryeministrit Rama për krijimin e ‘Shqipërisë së Madhe’.
Majko, ka postuar në profilin e tij zyrtar në Facebook një foto të ish-presidentit serb, Sllobodan Milloshevi135 i cili është akuzuar për krime lufte në Kosovë dhe Kroaci dhe për gjenocid në Bosnje dhe Hercegovinë.
“Po publikoj një foto, si kujtesë historike, për Ministrin e Mbrojtjes të Serbisë, Aleksandar Vulin, që po përdor fyerjen si “sport” në marrëdhënien me shqiptarët.
Duhet ti kujtohet, besoj, se çmimi në kohë të vështira është ai më realisti. E kanë pasur 5 milionë dollarë! Sot!… Edhe çmimin e biletës për të vajtur në Uashington duhet ta paguajnë vetë!”, ka shkruar Majko në postimin e tij.
https://www.facebook.com/pandeli.majko/posts/10158449458212254
Ministri serb i Mbrojtjes, Aleksandër Vulion akuzoi kryeminisrin Edi Ramas se duke i dhënë Kosovës portin e Durrësit, po projektohet krijimi i ”Shqipërisë së Madhe”. Kryeministri Rama i kërkoi presdentit serb, Aleksandër Vuçiç që të dënonte deklaratat e minsitrit.
Por, Vulin reagoi sërish duke thënë se Rama mbahet mend më tepër për çorapet e tij të shqyera sesa për idetë.
