Magazina te ”Casa Italia” në flakë prej 4 orësh, një person i bllokuar brenda

Një ngjarje e rëndë ka ndodhur pasditen e sotme në një nga magazinat e qendrës tregtare “Casa Italia” në kryeqytet.

Në magazinën ku kishte materiale për shitje ka rënë zjarr, dhe shefi i sigurisë Arjan Sala është vënë menjëherë në lëvizje për të shpëtuar punonjësit, por ka mbetur vetë brenda.

Vetë Sala, siç edhe tregoi xhaxhai i tij për kamerat, është futur brenda magazinës për të nxjerrë kolegët e tij dhe ka ngecur brenda prej 4 orësh.

Nga ana tjetër, policia ende nuk ka dhënë asnjë informacion për rojen e bllokuar, ndërsa shefi i zjarrfikëses Shkëlqim Goxhaj e mohoi.

Ende nuk dihen shkaqet e kësaj ngjarjeje, ndërkohë që paraprakisht raportohet se flakët janë aktivizuar pas një defekti elektrik.