Ministria e Brendshme italiane, ka botuar në vijimësi raporte të cilat flasin për krimin dhe situatën në të cilën veprojnë grupet e strukturuara. Në raporte krahas prezencës së mafias italiane, përmendet edhe ajo shqiptare me strukturat e saj dhe zonat në të cilat veprojnë-shkruan Tirana Today.
Ministria e Brendshme i ka përcjellë Parlamentit italian këtë raport ku përmendet edhe grupet dhe organizatat kriminale shqiptare. Ndërkohë, raport i referohet periudhës janar-qershor të vitit 2017. Ndër të tjera raporti thekson se grupet shqiptare kanë një organizim të mirë, ndërsa lidhja e tyre është farefisnore,kjo cilësohet si një ndër faktorët që e bën mafian shqiptare më pak të përçarë dhe kjo e ndihmon të jetë larg evidentimit të saj-shkruan Tirana Today.
Gjithashtu theksohet se ende disa grupe të strukturuara kriminale të drejtuar nga shqiptarët, janë dhe bazohen mbi qeverisjen e dikurshme, që ndryshe është e njohur rregullat dhe normat kanunore. Ndërsa nga kjo pjesë rrjedhin edhe rastet e fenomenit të vrazhdë të gjakmarrjes.
“Ky barbarizëm mund të jetë çelësi për të lexuar vrasjen e dyfishtë në nëntor 2016 në Canegrate (MI), dhe u zgjodh nga karabinierët në maj 2017 me arrestimin e e porositësve”-thuhet mes tjerash.
Raporti pohon se grupet kriminale nga Shqipëria, Kosova, Bosnje, Mal të Zi, kalojnë përmes detit Adriatik dhe më pas kultivojnë veprimet kriminale.
Raporti thekson: “Në territorin kombëtar Italian është e konsoliduar prezenca e grupeve kriminale shqiptare, fleksibiliteti i të cilave në veprim ka lejuar në njërën anë diversifikimin e aktiviteteve të paligjshme dhe në anën tjetër ka zgjeruar praninë e tyre në rajone të ndryshme italiane, duke filluar nga Puglia. Territori i Pulias, në fakt, ishte zona e celulave të para kriminale shqiptare dhe përfaqëson ende sot një vend të detyrueshëm të zbarkimit të aktiviteteve të paligjshme që vijnë nga Shqipëria dhe nga zonat ballkanike. Me kalimin e kohës, megjithatë, kjo formë e krimit ka arritur të zgjerohet edhe në pjesën tjetër të territorit kombëtar, duke u bërë bashkëpunëtor të privilegjuar i shumë partneriteteve, falë edhe tendencës së fortë për të bërë aleanca multietnike”.
Sipas raportit, shqiptarët janë në gjendje perfekte të menaxhojnë lëndët narkotike të llojit kokainë dhe më pas kontrollit të gjithë zinxhirit dhe hallkave vepruese. Grupet shqiptare kontrollojnë kontaktet e deri tek kanalet e shpërndarjes, ndërsa këto veprime i ndihmojnë për fat të keq, që të marrin nën kontroll zona dhe të lidhen me persona që merren me tregtinë e drogës.
Gjithashtu një përsosmëri e shqiptarëve bazohet te fakti se ato kanë një eksperiencë edhe në përdorimin e substancave bazike të drogës dhe përpunimi i saj në laboratorë specifikë. TIRANA TODAY
