Partia e qendrës e presidentit francez, Emmanuel Macron triumfoi fuqishëm në raundin e parë të zgjedhjeve parlamentare në Francë, duke marrë 32,32 % të votave, sipas rezultateve përfundimtare.
Partia e Macron, “La Republique En Marche” (LREM) dhe aleatët e tij “MoDem” u shkëputën ndjeshëm nga e djathta (me 21,56 %) dhe Fronti Nacional (ekstremi i djathtë, me 13,2 %), sipas rezultateve përfundimtare të Ministrisë së Punëve të Brendshme.
Partia e së majtës radikale “France Insoumise” (LFI), e Jean Luc Melenchon dhe Partia Komuniste arritën 13,74 % të votave, ndërsa Partia Socialiste dhe aleatët e saj arritën vetëm 9,51 %.
Nga ana tjetër abstenimi arriti nivelin rekord të 51,29 %
