Emmanuel Macron ka fituar edhe pesë vite të tjera si president i Francës, pas një fitoreje bindëse ndaj rivales Marine Le Pen, e cila megjithatë siguroi pjesën më të madhe të votave për të djathtën ekstreme.
Ai fitoi me 58.55% kundrejt 41.45%, një diferencë më e madhe se sa pritej.
Udhëheqësi i qendrës u tha mbështetësve të ngazëllyer se tani zgjedhjet kishin përfunduar, ai do të ishte një “president për të gjithë”.
Pavarësisht humbjes, zonja Le Pen, 53 vjeç, tha se pjesa e saj e konsiderueshme e votës ende shënonte një fitore.
Marine Le Pen mori drejtimin e partisë së themeluar nga babai i saj Jean-Marie Le Pen në 2011 në një përpjekje për ta bërë atë të zgjidhshme. Ajo fitoi më shumë se 13 milionë vota të dielën, në një platformë të uljes së taksave për të trajtuar koston e lartë të jetesës, një ndalim të mbajtjes së shamisë myslimane në publik dhe një referendum mbi kontrollet e imigracionit.
Më shumë se një në tre votues nuk votuan për asnjërin kandidat. Pjesëmarrja ishte pak më pak se 72%, më e ulëta në një balotazh presidencial që nga viti 1969, dhe më shumë se tre milionë njerëz hodhën vota bosh.
Pjesa më e madhe e Francës ishte me pushime ditën e votimit, por pjesëmarrja e ulët reflektoi gjithashtu apatinë e votuesve të cilët ankoheshin se asnjë kandidat nuk i përfaqësonte ata. Votuesit që thanë se po hidhnin vota bosh, i thanë BBC-së se donin të ndëshkonin presidentin në detyrë.
Burimi i lajmit: BBC. Përshtatur nga Tirana Today
