Lëvizja Vetëvendosje me qendër në Tiranë, ka publikuar pamje të reja filmike, që sipas kësaj force politike, fakton vjedhjen e votës në zgjedhjet parlamentare të 25 prillit.
Pamjet i përkasin datës 26 prill, ku në KZAZ, nr 80 në Gjirokastër, ku një numërues shënon fletët gjatë numërimit, dhe sipas LVV, ai i dërgon fotot në numrin që mban emrin e ministrit të Brendshëm, Bledi Çuçi.
LVV shprehet se deri më tani nuk ka marrë asnjë informacion zyrtar nisjen e hetimeve nga organet e drejtësisë për këto raste.
Reagimi i Lëvizjes Vetëvendosje në rrjetin social, Facebook
Tjetër provë e re filmike e krimit elektoral. Në qytetin e Gjirokastrës, të hënën e datës 26 prill 2021, në KZAZ me numër 80, herët në mëngjes në ora 5:09, është kryer një tjetër krim elektoral i evidentuar nga ekipi i aktivistëve të Lëvizjes VETËVENDOSJE! përmes pamjeve zyrtare filmike të KQZ-së.Në këto pamje dallohet qartë konsumimi i veprës penale nga një numërues që vendos shenja në fletët e votimit gjatë procesit të numërimit, me miratimin e dhënë në heshtje nga numëruesit e tjerë, që duket se janë në bashkëpunim me të. Pas konsumimit të veprës penale, numëruesi kontakton me një numër telefoni ku është i shënuar emri i Ministrit të Brendshëm, Blendi Çuçi, që ishte edhe kandidat i Partisë Socialiste në Qarkun Gjirokastër.Ju kujtojmë se deri me sot nuk kemi asnjë informim zyrtar për nisjen e hetimeve nga organet e drejtësisë për këto raste flagrante të veprave penale.Ju ftojmë të ndiqni pamjet e plota filmike në vijim:
