Inspektorati Kombëtar i Mbrojtjes së Territorit, i është përgjigjur ish-kryeministrit Berisha pas denoncimit të këtij të fundit se dje një makinë e IKMT ka shpërthyer në zonën e Astirit.
Në mesazhin e publikuar nga Berisha, thuhej se lënda plasëse që do të përdorej për të shembur shtëpitë e banorëve të Unazës, ka plasur brenda në makinë.
Ky koment ka marrë vemendjen nga IKMT, ku sqaron që në krye të herës se po i japin një shpjegim Berishës, vetëm për shkak të moshës. Në komentin në fjalë citohet fakti se materiali plasës nuk mbahet në makina si çanta dore. Po kështu, asnjë makinë e IKMT nuk vepron pa urdhër dhe natën.
Statusi
Z. Ish Kryeminister! Z. Ish President! Z. Ish kryetar i PD!
Po reagojme vetem ne respekt te moshes suaj, me trishtimin e thelle qe ka persona anonime ne kete vend qe guxojne dhe bejne shaka (nuk perdorim dot fjalen “tallen”) me njerez te moshuar si Ju. E dime qe nuk ju duhen sqarimet dhe te vertetat, sepse do u mjaftonte nje telefonate per te vertetuar genjeshtren e mesazhit qe ju ka ardhur, por po ju bejme me dije pak te dhena, sa per te mos u turperuar ne ndonje mesazh tjeter te ngjashem, qe do nxitoni ta publikoni:
1. Materiali plases nuk mbahet ne makina si cante dore
2. Asnje makine e IKMT nuk vepron pa urdher dhe naten
3. Materiali plases nuk plas vete
Keto nga ana teknike. Per gjithcka tjeter, nuk i lutemi Zotit t’ju fale se nuk dini se ç’beni, sepse ne fakt ju e dini mire se c’beni. Lutemi qe dalldia juaj te marre fund, sepse nuk ia urojme askujt katandisjen tuaj.
