Gjatë fjalës së tij në mitingun në Dibër, kreu i PD-së u ka bërë thirrje grave të kësaj zonë që të shkojnë në takimin që do zhvillojë Rama sot me banorët.
Basha porositi zonjat që t’i bëjnë disa pyetje kryeministrit, ndërsa u tha të mos e lejonin Ramën të tregonte përralla e batuta.
“Dua t’ju bëj një thirrje grave të Dibrës, të shkojnë në takimin Ramës e t’i bëjnë disa pyetje. Mos e lini të bëjë shfaqje, mos e lini të tregojë barcaleta dhe batuta. Pyeteni ku është shëndetësua falas, pyeteni ça të bëjnë të rinjtë që nuk studiojnë dot se e mbylli universitetin e Dibrës. Pyeteni ose nuk marrin ndihmë ekonomike familjet në nevojë. Mos e lini ta kthejë në estradë këtë fushatë.
Pyeteni Ramën pse nuk i mbajti premtimet. Do ju thotë se nuk kishte kohë. Ju gënjen, kishte kohë dhe para por e harxhoi në TV, në ekspozita, me sulme ndaj opozitës a thua se nuk ishte kryeministri. E harxhoi kohën e fasada dhe me gjithçka”, tha Basha.
Gjithashtu, kreu i PD-së kërkoi votën e qytetarëve duke u përmendur Rrugën e Kombit, ndërsa premtoi se do hapë sërish Universitetin e Elbasanit dhe se do bëjë Rrugën e Arbrit.
