Ashtu si lideri i PD-së Sali Berisha, edhe kreu aktual i kësaj partie, Lulzim Basha ka publikuar mesazhin e një qytetari.
Kryedemokrati dënon dhunën ndaj policisë, teksa i referohet ngjarjes së ndodhur mbrëmjen e të hënës në Elbasan ku u godit një makinë policie gjatë një operacioni për kontrollin e mjeteve luksoze.
Madje, sipas mesazhit të dërguar në faqen e Bashës, autori i dhunës ndaj policisë është dhëndri i kreut të Bashkisë të Elbasanit. Basha shkruan se vetingu duhet të nisë nga kryeministi, ministri i Brendshëm dhe kryebashkiakët, sipas tij, të bërë njësh me krimin.
POSTIMI I BASHËS:
Kur krimi i veshur me pushtet dhunon vete policine, vetingu duhet te nise nga kryeministri, ministri i brendshem e kryebashkiaket te bere njesh me bandat: “Kryetar mirmbrema. Sot ne Elbasan dhendri i Qazim Sejdinit, Sokol Sanxhaktari me Suel Celen me makine te blinduar kane goditur makinen e zv.drejtorit te policise Elbasan. Kjo pasi nje pike kontrolli ka kontrolluar disa ushtare te tyre.”
