Juventus-Napoli, ndeshja më e rëndësishme e kësaj javë në Serie A pasi do të vendoset titulli kampion. Duhet patjetër një fitore e napolitanëve për të mbajtur gjallë shpresën që ekipi i Sarrit do të rikthejë në qytet trofeun e munguar prej vitesh.
Gjithsesi napolitanët janë të vetëdijshëm se në ‘Allainz Stadium’, janë shumë të pakta skuadrat që kanë arritur të dalin triumfuese. Stadiumi i inauguruar më 8 shtator të 2011-ës, në një miqësore mes Juventusit dhe Notts Countyt, ka shërbyer si një fortesë mjaft e mirë për bardhezinjtë.
Që nga ajo periudhë dhe deri më tani, vetëm 7 skuadra kanë arritur të fitojnë ndaj Juventusit në atë stadium, ndonëse janë luajtur mbi 150 takime në këto 7 sezone. Ja 7 skuadrat e vetme që kanë fituar në ‘Allianz Stadium’:
Real Madrid (3/4/18)
Lazio (14/10/17)
Udinese (23/8/15)
Fiorentina (5/3/15)
Bayern Munchen (10/4/13)
Sampdoria (6/1/13)
Inter (3/11/12)
