Kandidati për deputet nga koalicioni AAK – PSD, Dardan Molliqaj, njëherësh dhe bashkëshorti i ministres se Arsimit, Besa Shahini, ka reaguar me anë të një postimi në Facebook, pasi u publikua video e sherrit me kandidatin për deputet, Haki Abazi.
Ai sqaron se kundërshtari e ka sulmuar i pari, e më tej ka ikur me vrap. Dardan Molliqaj ka kërkuar që të ndalen të gjitha spekulimet, e ndërsa do të luftojë deri në fund në atë që ai beson.
Statusi
Shumë mirë që dolën videot. Tash ndalen të gjitha spekulimet.
Një subjekt që u paraqit si viktimë dhe ndërtoi konspiracione bashkë me një televizion, po dalin hapur si mashtruesit e radhës.
Shpifin në emisione; sulmojnë vetë pas emisioneve; ikin me vrap pastaj dhe në fund tentojnë të paraqiten si viktima.
Mua më vjen keq për situatën e krijuar por asnjëherë nuk do të ndalem duke ia thënë të vërtetën secilit. Unë nuk fshihem. As nuk mashtroj. As nuk viktimizohem.
Luftoj për atë që besoj.
