Pas arrestimit të Redjan Rrajës, si një ndër autorët e dyshuar të atentatit ndaj prokurorit Arjan Ndoja, ka ardhur reagimi i kryedemokrati Lulzim Basha.
Teksa e quajti këtë ngjarje një luftë të pastër mes bandave në pushtet, Basha shprehet se kjo ngjarje shënohet në vazhdën e poshtërimit të Partisë Socialiste.
“Është tregues i qartë i nevojës për ndryshim të menjëhershëm për zgjedhje të parakohshme, që do iu kthejnë qytetarëve dinjitetin, të drejtën e votës dhe i fuqizojnë duke zgjedhur në Parlament e qeveri njerëz që meritojnë të udhëheqin dëshirat e tyre për ndryshim.
Në funksion të kësaj është edhe turi që sapo ka nisur, një tur bashkëbisedimi dhe dëgjimi, jo vetëm i halleve, brengave e të vërtetës së hidhur si kjo që është shpalosur sot, por edhe të zgjidhjeve, të cilat duhet të prodhojnë një qeveri dhe parlament që të përfaqësojnë interesat e qytetarëve, dhe jo interesat e bandave kriminale, siç tregon dhe arrestimi i sotëm”, deklaroi Basha.
