Japonia ka ndihmuar Kosovën në luftën ndaj koronavirusit, duke i dhuruar 718.200 dollarë.
Ministri i Shëndetësisë në Kosovë, Arben Vitia ishte ai që pranoi donacionin në fjalë.
“Japonia e sheh krizën COVID-19 si një krizë të sigurisë njerëzore dhe për këtë qëllim dëshiron ta ndihmojë Kosovën në përballimin e saj. Për këtë qëllim, Japonia ka ndarë 718.200 dollarë për popullin e Kosovës përmes UNICEF-it”, tha Mitsunori Ogasawara.
Ai bëri të ditur se Japonia siguron produkte mjekësore, sanitare dhe higjienike si dhe mundësi për arsimim të vazhdueshëm për fëmijët: “Është e rëndësishme që kontributi ynë të lehtësojë një shoqëri gjithëpërfshirëse bazuar në idenë e sigurisë njerëzore dhe që askush të mos mbetet prapa”.
