Policia e Shtetit ka kryer një monitorim ajror të përbashkët me Policinë Kriminale Italiane dhe Guardia di Finanza për kontrollin e territorit, për parandalimin, evidentimin dhe goditjen e kultivimit dhe trafikimit të lëndëve narkotike.
Si asnjëherë më parë, një koordinim forcash dhe bashkëpunim në formacion i mjeteve ajrore të dy vendeve, Shqipërisë dhe Italisë në luftën kundër kultivimit, trafikimit dhe hetimit të kriminelëve që tashmë e kanë fare të qartë se nuk ka asnjë kompromis me Policinë e Shtetit dhe Qeverinë Shqiptare.
Çdo cep i territorit të vendit do të kontrollohet dhe do të monitorohet nga Policia e Shtetit, e cila pavarësisht terrenit të vështirë, e mbështetur edhe nga partnerët do ta ekzaminojë nga ajri e toka.
Avioni i Guardia di Finanza-s, si dhe helikopteri i Policisë së Shtetit do vijojnë fluturimet e koordinuara për të rikontrolluar të gjithë territorin e vendit.
Kordinimi i veprimeve mes Policisë së Shtetit dhe Policisë Italiane do të realizohet nga Koordinatori Kombëtar me Policinë Italiane dhe koordinator i misionit të fluturimeve ajrore Artur Beu.
https://www.facebook.com/tiranatodaycom/videos/330647724046638/
