Analisti Fatos Lubonja tha në vendin tonë mafia ka shtetin e vet, ndërsa theksoi se Tahiri po mbrohet shumë nga maxhoranca, e cila ka marrë rolin e gjyqtarit. Në një interviste në “News 24” Lubonja pohoi se pas kësaj çështje fshihet një bandë kriminale, ndërsa shtoi se intelektualët që nuk reagojnë janë kthyer në ‘ushtarë’ të grupit kriminal të Habilajve.
Lubonja: Maxhoranca po e mbron. Këtu ka një debat pastaj. Ka një kufijtë çdo gjë. Nuk duhet të merrnin atributin e gjyqtarit. Dy ditë mbahet në prokurori, pastaj çështja shkon në gjykatë. Maxhoranca ka frikë mos del një provë tjetër, se janë gati t’i zhdukin. Ne e shohim që këtu na ka kapur krimi, po na vrasin të rinjtë. Këtu nëse ke të tilla situata, ku ministri i Brendshëm është i lidhur me krimin, ku policia ngarkon e shkarkon thasë droge, kjo është përtej asaj çështje. Shtrohet pyetja; ku po shkon ky vend. Intelektualët dhe shoqëritë civile që heshtin dhe nuk thonë një fjalë, janë kthyer në ‘ushtarë’ të Habilajve. Këtu duket se loja për pushtet është gjithçka. Për katastrofat që i kanosen vendit nuk do t’ia dijë njeri. Kemi fëmijë të cilët merren me krim dhe shoqëria nuk reflekton Kjo duket sheshit. Merr arreston një polic që ka gjetur prova. Këto është lojë për pushtet gjithçka, dhe se ça prodhon ky pushtet nuk ka rëndësi. Si mund t’i lësh këta njerëz që të merren me krimin?
Gjithashtu, Lubonja tha se ndërkombëtarët kanë interesat e tyre ndaj dhe nuk reagojnë për situatën e krijuar në vend. tha se në çështjen Tahiri janë përfshirë dhe shërbimet sekrete. Ai mori për bazë faktin se kush i dha materialet kryetarit të opozitës Lulzim Basha.
Lubonja: Besoj se duhet të kishte, por historia na provon se faktori ndërkombëtar ka qenë gjithmonë i vonuar përpara atyre që mund të quhen informacione që vinë nga shërbimet sekrete. Diku u dhanë këto materiale. Kush ia dha Bashës? Ambasadori Lu? Jo se besoj. Nëse ia ka dhënë dikush Bashës, ia ka dhënë dikush që ka lidhje. Nuk reagojnë pjesërisht sepse kanë interesat e tyre, që duhen stabilokraci, që kanë krijuar partnerë, apo kanë firmosur koncesione. E dyta; mendoj se është elementi që shohin opozitën që kjo opozitë ka qenë përgjegjëse për 2-3 gjera. Mendoj se dhe mund të jenë korruptuar. Rruga më e shëndetshme është që t’i jepet kurajo prokurorisë. Duhet të bëhet drejtësi. Në demokraci duhet të veprojë drejtësia dhe media. Drejtësia është përgjegjësja për kapjen e këtyre dy pushteteve, që të gjitha në fund fare rezultojnë të kapura nga krimi.
Gjithashtu, Lubonja tha se situata në vend është alarmantë. Në një shkrim të botuar dje në media ai analizon se në pushtet sot janë kriminelët dhe se është shumë e vështirë tu dalesh kundra atyre kur ata zotërojnë pushtetin të vetëm. Ai shto gjithashtu se provat që inkriminojnë Tahirin, nuk do të dalin kurrë sepse e tillë është politika e kapur nga mafia dhe interesa madhore.
