Analisti Fatos Lubonja e ka cilësuar Edi Ramën si të keqen më të madhe të vendit. Duke komentuar situatën politike në vend, Lubonja tha në studion e News 24 se dëshironte që “lufta” dhe përballja mes palëve politike të vijonte në Kuvend, megjithatë pritet të shohim se çfarë do sjellë dorëzimi i mandateve.
Po ashtu, Lubonja “kritikoi” tiranasit se përse nuk kanë dalë në protestë, ndërsa sulmoi edhe ambasadorët të cilët i quan gjysmë të korruptuar, duke i kritikuar për mos reagimin e tyre lidhur me shkatërrimin e disa shtëpive te Unaza e Re.
“Tërheq vëmendjen e ndërkombëtarëve, kjo e shoqëruar me skandale si Astiri, mund të dalë çështje në nivele më ndërkombëtare nga zyra e këtyre ambasadorëve gjysmë të korruptuar që ne kemi këtu. E keqja është se ne do mendojmë se sërish shpëtimi do na vijë nga ndërkombëtarët.
Populli shqiptar duhet të jetë aleati kryesor, por është i demoralizuar, ka zgjedhur të ikë. Këta tiranasit që s’dalin në protestë, janë me Edi Ramën? Pse s’dolën me studentët? Se kur të bësh një llogari politike, duhet të llogarisësh edhe ca ushtarësh ka.
Kemi një regjim që të gjen vrimat për të të mbyllur gojën, ose për të të shantazhuar. Nuk jam i bindur që kjo situatë ka vetëm anë pozitive, kam edhe unë frikërat e mia. Do kërkoja më shumë debat lidhur me këtë vendim. Është një vendim i marrë, të shikojmë. Unë kam qenë më shumë për luftë parlamentare dhe kam shprehur dyshimet e mia se sa ti ke deputetë të tillë që do të rebelohet në fund ndaj kësaj.
Ndërkombëtarët flasin se u thyen dy xhama, po mirë mo zotëri. Po për atë popull që po u vidhen e shkatërrohen shtëpitë? S’mund të flasin ndonjë fjalë për këtë? Është normale kjo?”, tha Lubonja në studion e Opinion./ Tirana Today
