Ambasadori amerikan Donald Lu e ka cilësuar si interesant propozimin e bërë nga PD, lidhur me Vettingun në politikë. Në emisionin ‘Real Story’, ai nënvizoi se është duke studiuar hollësitë e këtij propozimi.
“Vetingu i politikanëve? Opozita ka vënë në tavolinë një propozim që e konsideroj interesant. Në Amerikë kemi shprehjen; “djalli qëndron tek hollësitë,” dhe po studiojmë hollësitë e propozimit të tyre”, tha ambasadori Lu.
Më tej, ambasadori solli në vëmendje edhe qëndrimin e mbajtur nga mazhoranca për këtë propozim, teksa u shpreh se ai duhet të shqyrtohet në komisionet parlamentare.
Tani Lulzim Basha do të ashtëquajturin Vetting i politikanëve. Mendoni se ka nevojë ndërkohë që kemi këtë procesin që vazhdon të ndërtimit të BKH dhe SPAK, të cilat në fakt do të përqendrohen tek lufta kundër korrupsionit mes politikanëve?
Mendoj se ka edhe një tjetër formë Vettingu që kemi në demokraci. Ju votoni çdo dy vjet, unë votoj çdo dy vjet si amerikan dhe u kërkojmë llogari zyrtarëve tanë të zgjedhur. Ky është një formë Vettingu. Opozita ka vënë në tavolinë një propozim që e konsideroj interesant. Në Amerikë kemi shprehjen, “djalli qëndron tek hollësitë,” dhe po studiojmë hollësitë e propozimit të tyre tani dhe Kryeministri juaj Edi Rama ka thënë tashmë se ai dhe Partia Socialiste janë gati tani të fillojnë negociatat mbi bazën e propozimit të tyre. Le të shohim se çfarë janë në gjendje të arrijnë ato negociata.
Më lejoni t’ju them se ku mund të qëndrojë djalli tek ato hollësi. Basha kërkon një ndryshim kushtetues. E dimë që kur u miratua reforma në korrik, ishte një ndryshim kushtetues. A do të krijonte kjo një lloj përplasje kushtetuese midis asaj që kërkon Basha, dhe asaj që është tashmë në kushtetutë mbi BKH dhe SPAK?
Nuk e di përgjigjen për këtë pyetje. Ajo që di është që kushtetuta juaj mandaton që nëse një parti apo individë paraqesin një amendament kushtetues, duhet të ketë një proces në komisione, sipas kushtetutës, ku diskutohet amendamenti dhe ndonjë ndryshim në të; e di që ky proces negociatash po vjen dhe nxis qeverinë dhe opozitën të jenë seriozë në përqasjen ndaj asaj që mund të arrijnë të bëjnë bashkë për këtë propozim shumë interesant.
