Drejtuesi politik i LSI në qarkun e Beratit, Ardit Çela, ka reaguar menjëherë pas vendimit të largimit të Nasip Naços drejt PS. Kjo lëvizje vjen katër muaj para zgjedhjeve.
Ai thotë se LSI është forcë e parë në qarkun e Beratit, dhe nuk ka kohë të merret me Blendi Klosin dhe as me shoqëruesin e pestë të tij, duke iu referuar Naços i cili zyrtarizoi kalimin me PS.
“Jemi përditë në mesin e njerëzve të mrekullueshëm e të ndershëm të Qarkut të Beratit. LSI forcë e parë në Qarkun e Beratit.
Nuk kemi kohë të merremi as me Blendi Klosin, e jo më me shoqëruesin e pestë të tij”, shkruan Ardit Çela.
Ish-Ministri i Drejtësisë e dha lajmin nga Berati, teksa ndodhej krah Ministrit të Turizmit, Blendi Klosi. I pyetur për arsyet e largimit nga LSI, Naço tha se Shqipëria nuk ka më nevojë për eksperimente politike, dhe për njerëz që janë vasalë të dikujt tjetri.
