Kreu i Grupit Parlamentar të LSI-së, Petrit Vasili ka bërë me dije ri depozitimin e padisë kundër Ramës. Sipas tij prokuroria e kapur mbylli hetimet për dy javë, duke marrë si bazë ndjesën e kryeministrit në Facebook.
Në një deklaratë për shtyp, Vasili bëri po ashtu të ditur vendimin e LSI-së për të marrë pjesë në seancën hapëse të Kuvendit, njësoj se PD-ja me të cilën do të ndërmarrin një varg protestash në fund të janarit.
“Ne si LSI do të jemi pjesëmarrës në këtë ditë. Kemi dëgjuar për një kohë të gjatë një maskaradë të PS dhe të folësve, lidhur me dëshirën e tyre për reformën në drejtësi, jam këtu për të thënë se reformën në drejtësi e vetmja që nuk e do është Rilindja.
Ne kemi qenë ata që e kemi miratuar reformën, ishim ne që arritëm konsensusin.
Jam këtu që t’u rikujtoj socialistëve, se ligji i Vettingut është miratuar vetëm me vota e Lëvizjes socialiste për Integrim.
Integrimin evropian po e pengon kapja e drejtësisë dhe votimi i fundit i prokurores me dhunë me 69 vota, e vetmja forcë politikë që është mbi interes të saj është LSI.
Kemi ridepozituar padinë kundër Ramës, pasi prokuroria ka mbyllur hetimet në një kohë rekord për dy javë.
Prokuroria mbylli hetimet se Rama kërkoi falje në Facebook. Kjo është njësoj sikur të vrasësh dhe të thuash më fal”, tha ndër të tjera Vasili.
