Nuk është aspak sekret që Lëvizja Socialistë për Integrim ka një mbështetje të madhe në Skrapar, vend nga vjen dhe ish-kryetari i saj Ilir Meta. Mbështetja ndaj kësaj partie ka qenë shumë e madhe për 8 vitet që ishte në pushtet. Tani që kaloi në opozitë duket së këshilltarët në bashki po i firojnë një dhe nga një në të gjithë vendin.
Pas largimeve të disave prej këshilltarëve të LSI-së në bashkitë Belsh, Gjirokastër, Elbasan, Fier dhe Vlorë këshilltarët e kësaj force politike janë larguar edhe në këshillin bashkiak në Skrapar.
Kështu ata kanë votuar për kryetar të Këshillit Bashkiak socialistin Partizan Gorçe, njëherazi drejtor i parkut të Tomorrit. Tani priten me kërshëri lëvizjet e Kryemadhit pas këtyre “rrjedhjeve” që kanë dëmtuar jo pak partinë e saj.
Herën e fundit që Kryemadhi pati një konferencë për median tha se të gjitha këto lajme janë “Fake News”, por me sa duket nuk janë dhe aq të rreme.
