Kolegji Zgjedhor pranoi sot kërkesën e LSI-së për të pasur numëruesin e tretë në KZAZ, duke hedhur poshtë vendimin e KQZ-së që ndante numëruesin e tretë mes LSI-së dhe PDIU-së. Përfaqësuesi ligjor i LSI-së për këtë çështje Ylli Manjani, tha për mediet se vendimi i Kolegjit ishte kthim në shtratin ligjor.
“Ishte një kthim në shtratin ligjor, shtrat nga ku KQZ kishte dalë. Nuk është çështja sek ush do t’i shqyejë votat. Kam autorizim t’ju them edhe në emër të LSI-së se numëruesit që i takojnë LSI-së do bëjnë detyrën e tyre publike si garant të votës. Rrisni minutat nën mbikëqyrjen e punës së KQZ-së”, u tha Manjani medieve të pranishme.
Por vendimi i Kolegjit ka ndikuar në balancat politike, duke bërë spostime që prekin opozitën si koalicion dhe Partinë Republikane si subjekt, pasi i duhet të ndajë me PDIU-në, numëruesin e katërt.
Përfaqësuesi republikan, Arjan Madhi, e cilësoi si të padrejtë këtë vendim të Kolegjit, pasi siç tha ai, ky pozicion i takon asaj dhe jo PDIU-së, një partie vetëdeklaruar me veprimtarinë e saj në maxhorancë. Me këtë vendim u prishën balancat politike” shtoi ai.
Të njëjtin qëndrim mbajti edhe përfaqësuesi i PD-së, në cilësinë e palës së interesuar në këtë proces, Ivi Kaso.
