Mbi njëqind persona u mblodhën këtë enjte, më 11 janar, përpara shkollës Polle në Cherbourg (Manche) për të mbështetur një familjet shqiptarë të cilave u është thënë se do të dëbohen nga territori francez, shkruan Tirana Today.
“Nëse jemi këtu sot, është se shprehim shqetësimin tonë të thellë me shumë zemërim”. Ata u mblodhën në shenjë proteste përpara shkollës, ku kishte shumë nxënës, prindër mësues dhe banorë vendas. Ata të gjithë u dolën në mbështetje një familjeve shqiptare dhe fëmijëve të tyre: Artan, Olsa, Klela dhe Anxhela, shkruan
“Ata janë të integruar në lagje”
Çifti mbërriti në Cherbourg në shtator 2017, dhe çifti pati aplikuar për azil në dhjetor të vitit 2017. Dëbimi nga Franca pritet të bëhet sot. “Ne e shikojmë plotësisht të pajustifikueshëm dhe patolerueshëm këtë veprim. Do t;i gjejmë shokët tanë duke fjetur në rrugë”, tha një nxënës i shkollë.
“Për mua, kjo është e pakonceptueshme, unë e di se një nga nxënësit e mi, pavarësisht statusit, e kaloi fundjavën në rrugë”, dëshmoi një nga profesorët Emmanuel Demy. “Fëmijët janë të integruar mirë në jetën shkollore, prindërit kujdesen për ta dhe kanë shprehur dëshirën për të qëndruar në Francë, dhe në Shqipëri jeta e tyre është në rrezik, ne nuk e kuptojmë këtë vendim”.
Një tryezë e rrumbullakët të mërkurën
Para shkollës, demonstruesit i bënë thirrje autoriteteve publike të mobilizoheshin për të marrë një shqyrtim të ri të kërkesës për azil. I kontaktuar para tubimit, kryetari i bashkisë, Benoît Arrivé, bëri zotimin se familja nuk do lihet në rrugë.
Një tryezë e rrumbullakët duhet gjithashtu të zhvillohet me autoritetet dhe shërbimet e prefekturës të mërkurën, më 17 janar 2018 në orën 16:30 në Kolegjin e provincave për këtë situatë. TIRANA TODAY
