Virusi misterioz kinez që po përhapet me shpejtësi ka ngritur alarmin te autoritetet britanike. Mësohet se dje, qeveria ka zhvilluar një takim të posaçëm për masat që duhet të merren ndaj koronavirusit kinez.
Një prej masave të propozuar ishte dhe vendosja në “karantinë” e aeroportit londinez Heathrow. Duke filluar nga dita e sotme, në aeroport do të ketë një prani të shtuar të stafeve mjekësore që do të monitorojnë çdo pasagjer që udhëton nga vendet e prekura.
“Rreziku për publikun britanik mbetet i ulët, por rastet janë të mundshme në një pikë “, theksoi shefi i mjekësisë së shërbimeve shëndetësore publike për Anglinë, (PHE), Chris Whitty, në një komunikatë.
