“Mafia shqiptare është bërë grupi kryesor i krimit të organizuar në Britani të Madhe, duke sjellë kokainë të pastërtisë së lartë nga kartelet e Amerikës Jugore,” deklaroi Agjencia Kombëtare e Krimit në Britani. Bandat turke dhe pakistaneze në Londër vazhdojnë të kontrollojnë tregtinë e furnizimit të heroinës.
Mafia shqiptare qëndronte gjithnjë e më shumë pas fabrikave të kanabisit që ngriheshin në shtëpitë dhe magazinat e marra me qira. Këto struktura kriminale, të drejtuar më parë nga bandat vietnameze, janë një tjetër magnet për dhunën në periferi, pasi bandat rivale kanë tentuar që t’i vjedhin këto fabrika, shkruan express.co.uk.
Gjithashtu është shfaqur që fëmijët e rinj deri në tetë janë zvarritur në botën e rrezikshme të trajtimit të drogës. Disa banda të linjave të qarkut shfrytëzojnë fëmijët nga shtëpitë e kujdesit.
Një fenomen tjetër i bandave shqiptare është rekrutimi i fëmijëve jetimë për shpërndarjen e drogë, pikërisht të atyre që jetonin te shtëpia e fëmijës, transmeton Tirana Today.
Bandat e Londrës fillojnë të rekrutojnë fëmijët e vegjël deri në moshën tetë vjeçare. Policia ka arrestuar shpërndarës të moshës 14 deri në 16 vjeç në zona të ndryshme të Londrës. Dënimet e atyre të moshës 10 deri 17 vjeç për prodhimin e drogës dhe shpërndarjen u rritën me 77 për qind nga 2012 në 2016, thonë shifrat e Qeverisë.
Raporti i strategjisë serioze të dhunës tha se forcat e policisë kishin “identifikuar përfshirjen e personave në nevojë, veçanërisht fëmijëve, në veprimtarinë e bosëve të drogës“. Shifrat e veçanta tregojnë se gjithsej 1,639 nën 18 vjeç u arrestuan për posedim me qëllim shpërndarjen e drogës në 2013-tën, krahasuar me 2,097 në vitin 2017, shifrat të lëshuara nga 23 forca policie në Britani.
Përshtati: Tirana Today
