Presidenti i Serbisë Aleksandar Vuçiç priti ditën e sotme sportistë, anëtarë të ekipit olimpik serb dhe përfaqësues të federatave sportive, të cilët do të marrin pjesë në Lojrat Olimpike të Tokios.
Gjatë fjalës së tij, Vuçiç u ka thënë dy përfaqësuesve serbë në Lojërat Olimpike të Tokios, që të garojnë kundrejt çdo kundërshtari, edhe ndaj përfaqësuesve të Kosovës, shkruan RTS.
Ai u është drejtuar në mënyrë të veçantë lojëtarëve të xhudos dhe taekwondos.
“Milica dhe Marica, meqënëse do të keni garues nga e ashtuquajtura Kosovë, mos u shqetësoni për asgjë. Ju merreni me sport. Fitoni ose humbni, mos u shqetësoni, ne do të jemi me ju. Thjesht, bëjeni punën tuaj dhe asgjë tjetër. Ne nuk do t’ju detyrojmë të bëni veprime politike, do t’ju mbështesim, do t’ju duam dhe nuk do t’ju kërkojmë asgjë”, u shpreh Vuçiç.
Lojërat Olimpike do të nisin më 23 korrik, në Tokio dhe do të përfundojnë më 22 gusht.
