Kryeministri i Japonisë Shinzo Abe ka njoftuar se ka arritur një marrëveshje me Presidentin e Komitetit Olimpik Ndërkombëtar Thomas Bach për të shtyrë Lojërat Olimpike për rreth një vit.
“Vera 2021 është afati i fundit që mund të mbahen këto Lojëra Olimpike”, deklaroi Abe.
Pasditen e sotme pritet që Bordi Ekzekutiv i Komitetit Olimpik të aprovojë shtyrjen e evenimentit.
Për shkak të koronavirusit i cili është përhapur në shumë vende të botës, mjaft shtete ishin skeptike për zhvillimin e Lojërave Olimpike.
Kujtojmë se Kanadaja ishte shteti i parë që deklaroi se nuk do të dërgonte delegacionin e saj në Olimpiadë.
