Ministri i Brendshëm, Sandër Lleshaj është shprehur se në vitin 2019 janë shtuar dhe përmirësuar ndjeshëm kushtet për pajisjen me pasaportë dhe letër njoftimi.
Përmes një postimi në Facebook, Lleshaj bën me dije se brenda një viti janë rritur me 61% më shumë numri i zyrave të pritjeve. Ndërsa numri i sporteleve në mbarë vendin sipas ministrit, është rritur me 109%.
Lleshaj u bën thirrje të gjithë qytetarëve që u skadojnë dokumentet, të nxitojnë për të aplikuar dhe të mos presin deri në dhjetor.
Postimi i plotë:
2019-a është një vit rekord për shtimin dhe përmirësimin e kushteve për pajisjen me pasaportë dhe letër njoftimi.
Por, përsëri mbetet shqetësim vonesa e shumë qytetarëve për të aplikuar.
Që të shmanget stresi në fund të dhjetorit, kur dokumentet e vjetër skadojnë dhe zhgënjimi i janarit, kur shumë shërbime nuk mund të jepen pa dokumentet e identitetit, sot kërkohet që qytetarët të NXITOJNË për të aplikuar në zyrat përkatëse.
