Ministri i Brendshëm, Sandër Lleshaj ka vizituar drejtoritë e policive në vend pas marrjes së detyrës. Ditën e sotme ai ka qenë në Korçë, ku zhvilloi një takim me drejtuesit e policisë të këtij qarku.
Lleshaj shoqërohej nga kreu i Policisë së Shtetit, Ardi Veliu, ndërsa u ka kërkuar drejtuesve të policisë që të luftojnë pa kompromis kundër krimit dhe korrupsionit:
“Të rritet forca zbuluese për ruajtjen e vendit, për sigurinë publike. Të vlerësohen rastet e denoncimit të qytetarëve. Të ketë një shërbim korrekt ndaj qytetarëve”, ka udhëzuar ministri.
Gjithashtu, ai e vuri theksin te rritja e parametrave të sigurisë rrugore. Kryesisht në fokus të takimeve të Lleshajt me strukturat e policisë ka qenë garantimi i sigurisë së qytetarëve.
