Ministri i Brendshëm Sandër Lleshaj ishte i pranishëm në aktivitetin e organizuar nga Këshilli Kombëtar i Integrimit për luftën kundër krimit të organizuar. Ai ndër të tjera theksoi se organet e zbatimit të ligjit kanë shkatërruar 22 grupe kriminale në Shqipëri.
“Duhet të biem dakord çfarë do të thotë peshk i madh sepse ka një lloj besëtytnie sikur krimi i organizuar është aq i organizuar sa ka edhe një kre ndërkombëtar të trafikut të narkotikëve. Shkalla e organizimit në botën e krimit është e ndryshme dhe nuk është e thënë që ne të gjejmë se s’bën ai që të arrestohet të jetë “Eksobari” i botës. Ne kemi goditur shumë organizata kriminale. Në 2019-ën krahasuar me një vit më parë kemi rritje jo me përqindje, por me herë numrin e grupeve të goditura nga Policia e Shtetit. Nëse në janar-shtator 2018-të janë zhvilluar 17 operacione të mëdha në të njëjtën periudhë të këtij viti janë zhvilluar 31 operacione të mëdha kundër grupeve kriminale. Ose nëse në janar, shtator 2018-të janë shkatërruar 10 grupe të krimit të organizuar në vitin 2019-të janë shkatërruar 22 të tilla”, tha Lleshaj.
