Ministri Sandër Lleshaj ka reaguar sikundër edhe kryeministri Rama, në lidhje me personat e dyshuar për grabitjen në Rinas.
Ai deklaron se personi i pestë është mbyllur pas hekurave, e për këtë ka shprehur mirënjohjen ndaj punës së palodhur të policisë, e cila ka qëndruar në gatishmëri.
Ministri i Brendshëm shton ndër të tjera se goditja ndaj grabitësve të Rinasit, nuk do të ndalet.
Ministri i Brendshëm Sandër Lleshaj, në twitter:
“Goditja ndaj grupit të grabitësve në Rinas vazhdon. I pesti u mbyll prapa hekurave, duke e shtrënguar darën afër maksimumit. Respekt për punën e Policisë së Shtetit dhe të Prokurorisë!”.
