Ministri i Brendshëm, Sandër Lleshaj, ka rrëfyer në emisionin “HARD TALK”, se nuk jeton me postin dhe e mendon largimin si një gjë që nuk e ka marrë me tapi. Ai foli pa ‘doreza’, ndërsa tha se nuk ndihet i lidhur pas postit që mban. Po kështu, Lleshaj nuk nguroi që të vejë në dukje se ndihet i kufizuar, e ndërsa mbetet me shpresë kur të vijë dita për të fituar lirinë.
Jeni Ministri i Brendshëm i 63-të në historinë e shtetit shqiptar. Si e parashikoni, si do largoheni nga kjo zyrë?
“Falë Zotit nuk ndihem i lidhur pas këtij posti. Madje që kur kam ardhur në këtë detyrë, kam vendosur një objektiv që ta zhvilloj jetën time, ta kufizoj në ato nivele saqë kur të iki, të ndihem i çliruar, ta ndiej sikur kam rifituar lirinë time”.
E ke menduar ndonjëherë që mund të largohesh?
“Patjetër! Me idenë e largimit jam në çdo çast. E zhvilloj jetën time në këtë detyrë në atë mënyrë që kur të largohem, të ndihem i fituar. Dhe do jem vërtet i fituar, sepse do fitoj lirinë që nuk e kam sot. Largimi është gjëja më e thjeshtë që do të kem”.
