Ministri i Brendshëm, Sandër Lleshaj, ka reaguar mejëherë pas deklaratës për media të kryedemokratit Basha, i cili tha se ky ishte viti që shënoi një tjetër rekord të kultivimit të kanabisit.
Në kundërpërgjigje të këtij qëndrimi të kreut të PD-së, Lleshaj shkruan në Twitter se situata është krejt e kundërta. Për të, ky vit ka konfirmuar çrrënjosjen e kanabisit.
Ministri Lleshaj në Twitter:
Nga gropa ku zhytet thellë e më thellë dhe bërtet fort e më fort, Lulzim Basha paska “zbuluar” se ky paska qenë vit rekord i kultivimit të kanabisit! Ky individ, që në biografinë e tij ka edhe Lazaratin, nuk meriton asnjë keqardhje, por keqardhja për ata që ende e ndjekin pas, rritet dita-ditës.
Ky vit ka konfirmuar çrrënjosjen e kanabisit dhe kthim mbrapa nuk ka më!
