Pritej të ndodhte përmbysja e madhe, por në të vërtetë është Liverpool që fiton edhe në ndeshjen e kthimit duke siguruar gjysmëfinalen e Champions League. Një përballje që i kishte të gjitha, gola, spektakël dhe shumë emocione, por në fund Guardiola u detyrua të ndërpresë ëndrrën. Ishte Jurgen Klopp që doli me një fitore 2-1 nga “Etihad Stadium”, ishte një përmbysje fantastike e Liverpool që gjatë pjesës së parë rrezikoi jo pak.
City e nisi shumë lart ndeshjen duke gjetur dhe golin që në minutën e 3’, me anë të Gabriel Jesus. Por për fatin e keq ishte edhe i vetmi në këtë takim. Shumë raste të krijuara ndaj një Liverpool-i të frikësuar dhe konfuz që nuk po arrinte të dilte në kundërsulmet e zakonshme me Salah në pjesën e parë.
City shënoi edhe golin e dytë pak përpara se të përfundonte pjesa e parë por ai anulohet për pozicion jashtë loje. Një vendim i gabuar dhe i kontestuar nga Guardiola i cili duhet ta shihte pjesën e dytë nga tribuna.
Pas pushimit Liverpool merr frenat e lojës në dorë dhe barazon rezultatin me të magjishmin Salah.
Që pas atij momenti ndeshja kishte përfunduar dhe Firmino përmbysi gjithçka në fund të takimit me një gol shumë të bukur. Liverpool rrin të përballojë stuhinë e pjesës së parë dhe shkon në gjysmëfinale me meritë.
