Deputetët e Listës Serbe kanë dorëzuar mandatet e tyre në Kuvendin e Kosovës, pas vendimit për largim nga institucionet e Kosovës. Lajmin në fjalë e ka konfirmuar shefi i kabinetit të kryetarit të Kuvendit, Glauk Konjufca, Ilir Kërçeli.
Kërçeli ka thënë se dorëzimin e ka pranuar zyrtarisht nga administrata.
Dorëzimin e mandateve të deputetëve të Listës Serbe e ka konfirmuar edhe Kuvendi i Kosovës, përmes një njoftimi për media.
“Njoftojmë se 10 deputetë të Kuvendit të Republikës së Kosovës nga subjekti politik parlamentar Lista Serbe, kanë dorëzuar dorëheqje të parevokueshme”, thuhet në njoftim.
Të shtunën më 5 nëntor, Lista Serbe njoftoi për largimin e serbëve nga institucionet e Kosovës.
