Kryetari i Partisë Demokratike Lulzim Basha pas publikimit të listës së kandidatëve për deputetë për zgjedhjet parlamentare të 25 qershorit theksoi se ky ishte një proces i vështirë përzgjedhje. Kreu i PD-së, i cili, doli rreth orës 1:00 pas mesnate nga selia blu, theksoi se lista e kandidatëve për deputetë është mbushur me prurje të reja dhe personalitete që do t’i japim formë “Republikës së Re”, siç e cilësoi ai.
“Ka qenë një proces, nga i cili u desh të bëheshin zgjedhje të vështira. Janë zgjedhur personalitete që do të jenë pjesë e “Republikës së Re”. Gjithashtu, janë zgjedhur figura të reja. Nga nesër nisim marshimin drejt fitores”, u shpreh Basha për mediat.
