Protestuesit janë zhvendosur tashmë tek Drejtoria e Policisë. Nën thirrjet “Rama ik”, disa simpatizantë të maskuar kanë qëlluar më gurë duke thyer xhamat e ndërtesës së policisë. Ka qenë Sekretari i Përgjithshëm i PD-së, Gazment Bardhi, ai i cili ka bërë thirrje të ndalohet thyerja e xhamave.
Po ashtu, mësohet se është hedhur dhe molotov, flakadanë dhe tymuese.
Protestuesit kërkojnë njëzëri lirimin e 50 personave të arrestuar në protestën e 11 majit.
Sipas itinerarit të opozitës, Drejtoria e Policisë së Tiranës është stacioni i fundit i marshimit.
