Sikundër ishte njoftuar edhe më herët, me dhjetra banorë të “Unazës së Re”, por jo vetëm, janë mbledhur sot para Gjykatës së Krimeve të Rënda. Ata kërkojnë lirimin e familjarëve të tyre.
Protestuesit e arrestuar nga policia për revoltën e tyre para Kuvendit, pritet të dalin sot para Gjykatës së Krimeve të Rënda, për të marrë masën e sigurisë.
Bëhet fjalë për 11 persona, 6 për të cilët Prokuroria ka kërkuar “arrest me burg”, dhe për të tjerët “detyrim paraqitje”.
