Klevis Balliu është liruar sot nga burgu, teksa gjykata vendosi detyrim paraqitje. E njëjta masë u dha nga gjykata edhe për tre protestuesit e tjerë, të cilët u arrestuan dy ditë më parë, pas përplasjes së tyre me policinë, duke bllokuar rrugën për të ndaluar kalimin e kryeministrit Rama te zona e Astirit.
Arrestimin dhe procesin gjyqësor, Spaho e cilësoi si një vendim politik me urdhër të Ramës:
“Procesi i sotëm ishte tërësisht i montuar politik, me synimin e vetëm për t’u burgosur deputeti Balliu dhe qytetarët e Unazës së Re në mënyrë që të realizohet vullneti i Ramës. Rama është urdhëruesi për të burgosur Balliun dhe qytetarët e tjerë me synimin që të frikësoje qytetarët që të mos i bashkohen rrugës së protestave. Rama duhet të ketë parasysh një gjë, nuk ka manovër që e shpëton. Do përfundojë në koshin e historisë sepse po sillet si diktator”, tha pas vendimit ish-deputeti Edmond Spaho.
