Gareth Bale duket se është duke kaluar një moment aspak të mirë jashtë fushave të blerta, pasi është detyruar që të shtyj dasmën e tij me Emma Rhys-Jones. Dasma e çiftit ishte programuar që të zhvillohej në Toskana të Italisë, bre në një ceremoni madhështore në kështjellën historike, ndërsa Beyonce do të këndonte në dasmën e tyre.
Por duket se problemet familjare të të fejuarës së futbollistit të Real Madrid kanë qenë të mëdha dhe data e dasmës është shtyrë për vitin e ardhshëm. 26-vjeçarja shpreson se kjo kohë do t’i ndihmojë që t’i tejkalojë problemet me babanë e saj, Martin Rhys-Jones, i cili është liruar nga burgu. Duket se ajo dhe Gareth kanë jetuar një vit me shumë ulje-ngritje tregon një burim për The Sun.
“Ka kaq shumë probleme dhe shqetësime familjare sa çifti kërkon të qetësojë situatën përpara se të martohen. Janë ende shumë të dashuruar, por në fillim duhet të zgjidhin disa probleme.” – ka vazhduar më tej burimi. Çifti ka tre fëmijë dy vajza dhe një djalë të vogël i cili erdhi në jetë vetëm 2 muaj më parë.
Babai i Emmas është fejuar me një vajzë që ka gjysmën e viteve të moshës së tij, pak pasi është liruar nga një burg në SHBA. Ai ka bërë gjashtë vite burg për mashtrim ndërkombëtar dhe Emma nuk ka pranuar që babai të paraqitet në dasmën e saj në prani të të fejuarës së re.
“Ka pasur disa sherre. Emma nuk është e lumtur me zgjedhjen e babit. Nuk do të që në dasmën e saj të vijë një person që nuk e ka parë kurrë në jetë.”– ka përfunduar burimi për “The Sun”.
